1. misseri
Námskeiðslýsing fyrsta misseris á fyrra ári MBA-námsins.
Lota 1
Meginmarkmið námskeiðsins er að kynna grundvallaratriði fjárhagsbókhalds og ársreikningsins. Eðli tvíhliða bókhalds skýrt út frá bókhaldsjöfnunni. Reglugrunnur reikningshalds, forsendur, grundvallarreglur og hugtök. Form ársreiknings og rökrænt samhengi milli kaflanna í honum. Stefnt er að því að nemendur verði ágætlega læsir á ársreikninga hlutafélaga og geti gert hefðbundna greiningu á upplýsingum sem þar koma fram og túlkað þær fyrir þeim sem þurfa á þessum upplýsingum að halda.
- Mat á afkomu
- Sjóðstreymi
- Stjórnendaupplýsingar
- Ársreikningar
- Heildstæð upplýsingagjöf
Í námskeiðinu er fjallað um leiðtogakenningar, sögu þeirra og mikilvægi. Einnig er farið í ný umfjöllunarefni í forystu og hinn praktíska veruleika þeirra sem sinna leiðtogastörfum. Fjallað er um mikilvægi sjálfsþekkingar og þekkingar á mismunandi hlutverkum í hópum. Námskeiðið byggir þannig bæði á fræðilegri umfjöllun og praktískri og er ætlað að styrkja nemendur í forystustörfum.
- Forystuhlutverkið og forystukenningar
- Persónulegt mat, ígrundun
- Árangursmiðuð samskipti
- Uppbygging tengsla og tjáning
- Árangursrík teymi og hópastarf
Lota 2
Námskeiðið fjallar um hagfræði frá sjónarhóli fyrirtækjastjórnenda og skiptist í annars vegar rekstrarhagfræði og hins vegar þjóðhagfræði. Nemendur öðlast þekkingu og skilning á hagfræðilegri greiningu og þjálfun í að leysa viðfangsefni í nútímafyrirtækjarekstri. Sýnt er með dæmum og í umræðu hvernig nota má fræðin til að greina margvísleg viðfangsefni og leysa.
- Stefna, samkeppnishæfni og klasar
- Greining á umhverfi og kvikri færni
- Heildarstefna, viðskiptastefna og viðskiptalíkön
- Stjórnarhættir, skipulag og framkvæmdastefna
- Samfélagsleg ábyrgð og verðmætasköpun
Í náminu er lögð áhersla á að byggja upp persónulega færni nemenda í námskeiðunum sjálfum, s.s. með samningatækni. Þetta er gert með því að kenna fólki að byggja upp ferilskrá, fræða og þjálfa í almennri framkomu og framkomu í fjölmiðlum. Farið í uppbyggingu á starfsferli og kennslu á Linkedin og þær tæknilegu útfærslur sem eru mikilvægar hverju sinni.