Stjórn og starfsfólk
Executive MBA-námið er hluti af námsframboði Viðskiptafræðideild Háskóla Íslands. Þegar hafa rúmlega 630 brautskráðst úr náminu og hafa þau öll sett mark sitt á atvinnulífið, bæði hér á landi og erlendis.
Stjórn námsins, sem skipuð er til þriggja ára, samanstendur af kennurum við Viðskiptafræðideildina og einum útskrifuðum Executive MBA nemanda. Öll hafa þau umfangsmikla reynslu, bæði úr háskólaumhverfinu en einnig úr atvinnulífinu og sitja í stjórnum stærstu fyrirtækja og stofnana landsins. Einnig er starfrækt sérstakt ráðgjafaráð Executive MBA-námsins en þar eiga sæti einstaklingar úr atvinnulífinu, fólk með mikla reynslu, bæði hér heima og erlendis.
Stjórnarformaður Executive MBA-námsins er:
- Ásta Dís Óladóttir, prófessor
Forstöðumaður námsins er:
- Brynhildur Lilja Björnsdóttir
Verkefnastjóri námsins er:
- Bryndís Reynisdóttir
Skrifstofa Executive MBA-námsins er staðsett á 2. hæð í Gimli, skrifstofa G-253.
Executive MBA-námið í Háskóla Íslands nýtur stuðnings ráðgjafahóps sem samanstendur af einstaklingum úr íslensku atvinnulífi með ólíkan bakgrunn og mikla reynslu. Meginhlutverk ráðgjafahópsins er að taka þátt í að þróa Executive MBA-námið þannig að það sé sem hagnýtast, standist ströngustu kröfur og sé ávallt í samræmi við þarfir atvinnulífsins.
