Af hverju MBA frá Háskóla Íslands?
Executive MBA-gráða frá Háskóla Íslands veitir afbragðsundirbúning til að mæta krefjandi verkefnum á sviði nýsköpunar og stjórnunar, bæði í einkarekstri og hjá hinu opinbera.
Háskóli í fremstu röð
Háskóli Íslands er eini háskóli landsins sem kemst á báða virtustu lista heims yfir þá skóla sem hæst eru metnir á alþjóðavettvangi. Þeir eru ShanghaiRanking Consultancy og Times Higher Education World University Rankings. Báðir listarnir taka til rannsókna, kennslu og áhrifa í alþjóðlegu vísindasamfélagi.
Þá sýndi annar listi á vegum tímaritsins Times Higher Education, sem nefnist University Impact Rankings og var birtur í fyrsta sinn á vormánuðum 2019, að árið 2022 er Háskóli Íslands í sæti 401-600 yfir þá háskóla í heiminum sem hafa mest samfélagsleg og efnahagsleg áhrif út frá heimsmarkmiðum Sameinuðu þjóðanna.
Alþjóðlega vottað nám
Executive MBA-námið við Háskóla Íslands er alþjóðlega viðurkennt nám (accreditation) frá Association of MBA´s (AMBA). AMBA eru óháð samtök sem hafa það að markmiði að efla gæði menntunar á sviði stjórnunar og reksturs. Um er að ræða eina virtustu viðurkenningu sem hægt er að fá fyrir Executive MBA-nám, en rúmlega 300 skólar í heiminum hafa hlotið slíka viðurkenningu. Alþjóðlega vottunarferlið nær yfir eftirfarandi sex gæðavíddir:
- Tengsl námsins við háskólaumhverfið
- Hæfni kennara og gæði kennslu
- Stjórnun og þjónusta við nemendur
- Bakgrunnur nemenda
- Tilgangur námsins, markmið og hæfniviðmið
- Námskrá og skipulag námsins
Tengsl við atvinnulíf
Executive MBA-námið veitir nýjar forsendur til starfsframa og er í sterkum tengslum við íslenskt viðskiptalíf.
Háskóli Íslands leggur mikla áherslu á öflug tengsl við íslenskt samfélag og atvinnulíf. Leitast er þannig við að stuðla að virkri uppbyggingu atvinnulífsins með nýsköpun þekkingar.
Tengsl Executive MBA-námsins við íslenskt atvinnulíf eru margþætt.
- Nemendur vinna meðal annars verkefni í samvinnu við aðila í íslensku viðskiptalífi
- Gestafyrirlesarar úr atvinnulífinu koma í kennslustundir
- Viðburðir eru haldnir á vegum Executive MBA-námsins
Samstarf við IESE
Námsferð til IESE á Spáni (kostnaður vegna ferðar er ekki innifalinn í námsgjöldum).
Kennararnir í náminu hafa hlotið menntun víða um heim og margir hverjir hafa starfað á alþjóðavettvangi.
