Að sækja um MBA-nám

Umsóknarfrestur

MBA-námið er opið til umsóknar öllum þeim sem hafa lokið háskólaprófi og hafa að minnsta kosti þriggja ára starfs-/stjórnunarreynslu.

  • Fyrri umsóknarfrestur er 15. apríl 2020 
  • Síðari umsóknarfrestur er 15. júní 2020

Við hvetjum umsækjendur til að sækja snemma um til að auka líkur á plássi. Allar umsóknir eru meðhöndlaðar sem trúnaðarmál. Umsóknir sem berast eftir að umsóknarfresti lýkur verða teknar til greina ef pláss leyfir.

  • Námsárið 2020 hefst miðvikudaginn 5. ágúst

 

Sækja um

Til að sækja um MBA-nám við Háskóla Íslands þurfa umsækjendur að stofna aðgang á samskiptagátt Háskóla Íslands. Þar geta nemendur sett inn fylgigögn með umsókninni sem nánar er lýst hér að neðan. Athugið að umsagnir skal senda á verkefnastjóra námsins, Elínu Þ. Þorsteinsdóttur.

Mikilvægt er að skila inn eftirfarandi gögnum

Umsækjendur þurfa að skila inn tveimur umsögnum ásamt umsókn sinni.

Umsagnaraðilar þurfa að senda umsagnir sjálfir inn með tölvupósti og skal senda þær á verkefnastjóra námsins, Elínu Þ. Þorsteinsdóttur.

Afar mikilvægt er að umsækjendur skrifi stutta greinargerð um:

  • áhuga sinn á MBA-náminu
  • markmiðið með því að fara í námið
  • viljann til að ljúka náminu

Þessi greinargerð er höfð til viðmiðunar þegar nemendur eru valdir inn í námið.

Með umsókninni þarf að fylgja prófskírteini. 

  • Þeir sem hafa lokið námi frá Háskóla Íslands þurfa ekki að skila slíku inn með umsókn sinni

 

Með umsókninni þarf einnig að fylgja uppfærð starfsferilskrá ásamt mynd.

Mynd
MBA útskriftarhúfur