Tengslanetið | MBA-nám í Háskóla Íslands

Tengslanetið

Mikilvægur þáttur í MBA náminu er tenglsanet nemenda bæði innan MBA hópsins, við kennara námsins, við aðra MBA hópa og við aðila í íslensku atvinnulífi. Ýmsir viðburðir eru skipulagðir og má þar nefna ráðstefnur, örnámskeið, samfagnaðir, fyrirtækjaheimsóknir, fundir með aðilum úr íslensku atvinnulífi, námsferðir, hópefli og margt fleira. Hér að neðan eru nánari lýsingar á þessum viðburðum:

 

Námsferðir 

Tvær námsferð erlendis eru innifaldar í námsgjöldum. Sú fyrri er farin á vorönn á fyrra ári til IESE og sú seinni er á haustönn til Yale á ári tvö. 

Haustfagnaður 

Eftir fyrstu lotu námsins gleðjast MBA-nemendur saman og halda hausthátíð. Nemendur taka með sér gesti og annast undirbúning hátíðarinnar með stjórnendum námsins.

Fyrirtækjaheimsóknir 

Mikilvægur þáttur í náminu eru tengsl við atvinnulífið. MBA-hóparnir fara reglulega í áhugaverðar fyrirtækjaheimsóknir á námstímabilinu þar sem stjórnendur íslenskra fyrirtækja taka á móti hópunum, kynna starfsemi og stefnu fyrirtækjanna og miðla af reynslu sinni. 

Útskrift

Útskrift MBA námsins fer fram  í lok júní. Þá er kennurum og starfsfólki námsins ásamt mökum boðið í veglega athöfn þar sem tveggja ára vegferð er fagnað á tilheyrandi hátt. 

MBA-félagið

Félag viðskiptafræðinga MBA frá Háskóla Íslands, sem er félag MBA nemenda og útskrifaðra frá Háskóla Íslands, stendur fyrir ýmsum viðburðum, ráðstefnum, námskeiðum og fyrirlestrum fyrir félagsmenn. Þar má nefna hið árlega golfmót félagsmanna, námskeið í stjórnarháttum, fundur með sérstökum saksóknara og fleiri áhugaverðir viðburðir.

Þú ert að nota: brimir.rhi.hi.is