Rekstrargrunnur | MBA-nám í Háskóla Íslands

Rekstrargrunnur

Eitt mikilvægasta stefið í störfum stjórnenda er að hafa vakandi auga fyrir öllum rekstrarþáttum. Aðgangur stjórnenda og skilningur á mikilvægustu upplýsingum á hverjum tíma er mikilvæg forsenda góðs rekstrarárangurs. Þjálfun í að setja fram, túlka og bregðast við ýmsum rekstrar- og fjárhagsupplýsingum er hér í forgrunni svo og þjálfun í ýmsum reikniaðferðum sem beitt er í rekstri.

Segja má að grunnur viðskiptafræða hvílir á hagfræði, fjármálum, reikningshaldi, tölfræði og framleiðslustjórnun. Í þessum námskeiðum er mikið unnið með tölur og tölulegar upplýsingar. Fjallað verður um þær sviptingar sem hafa átt sér stað í viðskiptaumhverfinu á síðustu árum, bæði hvað varðar stjórnun peningamála og rekstur fyrirtækja og heimila.

Kennarar og nemendur í MBA-námi búa yfir yfirgripsmikilli reynslu og þekkingu sem kemur að góðu gagni þegar farið er yfir hvernig breytingar á lögum og reglum, opinberu eftirlit, stöðlum og vinnuferlum hafa mótað þessar fræðigreinar á undanförnum árum. 

Gylfi Magnússon dósent við Viðskiptafræðideild Háskóla Íslands leiðir vinnu við að samræma námskeið í þessum flokki. Gylfi kennir námskeiðið; Rekstrarumhverfið þar sem bæði er fjallað um efni sem fellur undir þjóðhagfræði og rekstrarhagfræði, en í þeim fræðigreinum er seint hægt að finna hið eina rétta svar.

Námskeiðin sem tilheyra þessum flokki eru:

  • Reikningshald
  • Rekstrarumhverfið
  • Hagnýt tölfræði og ákvarðanir
  • Fjármál fyrirtækja
  • Árangur í rekstri
Þú ert að nota: brimir.rhi.hi.is