Erlent samstarf | MBA-nám í Háskóla Íslands

Erlent samstarf

Samstarf við Yale og IESE

Háskóli Íslands hefur gengið til samstarfs við Yale School of Management í Bandaríkjunum og IESE Business School of Navarra í Barcelona, sem báðir er í allra fremstu röð í heiminum á sviði MBA náms. Með samstarfinu mun MBA nám við Háskóla Íslands eflast verulega en það felur í sér að MBA-nemar Háskólans sitja afar krefjandi og öflug námskeið í hvorum samstarfsskóla á námstímanum.
 
Yale Shchool of Management er hluti af Yale háskóla sem er í áttunda sæti yfir bestu háskóla heims samkvæmt röðun Times Higher Education. Yale School of Mangement er auk þess í ellefta sæti yfir þá skóla sem skara fram úr á heimsvísu í MBA námi og IESE er í því tólfta samkvæmt mati Financial Times.
 
Þeir sem hefja MBA nám í haust í Háskóla Íslands munu fara í námsferð til IESE í Barcelona á vorönn árið 2020 og til Yale í New Haven í Bandaríkjunum á haustönn sama ár. Samstarf við þessa virtu háskóla hefur mikið faglegt gildi fyrir námið í heild og setur MBA nám Háskóla Íslands í flokk þeirra bestu. Háskóli Íslands er nú þegar í hópi 250 bestu háskóla í heimi á hinum viðurkennda matslista Times Higher Education. Sú staða byggist ekki síst á mjög öflugu rannsóknastarfi og birtingum vísindamanna skólans í viðurkenndum erlendum vísindatímaritum. Styrkur Háskólans á listanum hefur tryggt honum fjölda samstarfssamninga við marga af fremstu háskólum heims.
 
 
Þú ert að nota: brimir.rhi.hi.is